طريقة عمل البيتزا

المقادير :
250 جرام دقيق
ذرة سكر
ذرة ملح
كيس خميره جافه (100 جرام)
3 ملاعق أكل زيت
ماء للعجن

الطريقه:
يوضع الدقيق ذرة سكر ذرة ملح كيس خميره جافه (100 جرام) 3 ملاعق أكل زيت
يقلبوا مع بعض
يضاف الماء بكميات صغيره حتي يتم العجن

أزاي أعرف أن العجينه أتعجنت كويس و الميه مظبوطه ؟؟؟؟؟!!!!!!!!!

لما تلم علي بعضها و متلزقش في الطبق او الحاجه اللي انتي بتعجني فيها

توضع لتخمر في طبق أو علبه من البلاستك موضوع في أرضيتها دقيق علشان متلزقش أو بمعني أصح علشان تتشال بسهوله و تكون مغطاه
لمدة ساعه أو يزيد

طب أعرف ازاي أنها خمرت ؟؟؟؟؟؟؟!!!!!!!!!!
لما حجمها يتضاعف

بعد متتخمر هتفرديها في الصنيه و تحطي اللي انتي عيزاه ان كان لحمه مفرومه أو مشروم أو غيره

في بقي حاجه اسمها طماطم كونكاسيه دي اللي بتتحط تحت المشروم أو اللحم المفروم أو غيره

المقادير عملها :
5 حبات من الطماطم
ماء مغلي
2 ثوم صغار أو 1 فص ثوم كبير

الطريقه :

تشيلي البوز بتاع الطماطم و بعدين تخرميها من الأجناب حوالي 5 اخرام
توضع الطماطم في المياه المغليه و تعدي لحد 10 و تشليها بعدين تقشريها و تضغطي عليها بإيدك علشان تنزل ميتها و بعدين تفرمي الثوم و تحطي طاسه فيها حبة زيت صغيرين أو مش لازم و تحطي الطماطم و معاها الثوم لحد متتسبك و توضع علي العجينه و بعدين تحطي المقادير اللي انتي عيزاها فوقيها من لحم مفروم أو مشروم أو غيره

في ناس بيستسهلوا و بيحطوا كاتشب بدل الطماطم الكونكاسيه بس انا بقولكم أن الطماطم الكونكاسيه احسن بكتير

طريقة البيتزا و الطماطم الكونكاسيه مجربه و مني انا شخصيا